Nissedal kommune ligg sør i Vest-Telemark, og er ein kommune i vekst. Treungen er administrasjonsstaden, og andre tettbygde stader er Kyrkjebygda, Fjone, Haugsjåsund og Felle.

Vi har desentralisert skulestruktur og om lag 150 elevar fordelt på tre skular: Tveit skule/Nissedal ungdomsskule 1-10, Fjone skule 1-7 og Kyrkjebygda oppvekstsenter 1-7. Fjone og Kyrkjebygda er todelte. 

Vi har barnehage i Kyrkjebygda, Treungen, Haugsjåsund og på Felle. I Treungen er det blant anna omsorgssenter, bu- og avlastingsenter, Fleirbrukshus, bibliotek og kino.

Næringslivet i kommunen er variert, og viktige næringsvegar er jord- og skogbruk, bygg og anlegg, industri, kraftforsyning og reiseliv.

Nisser er den største innsjøen i Telemark og er eit dominerande landskapsmerke med innbydande sandstrender og svaberg omkransa av blankskura, høgreiste fjell.